Diklo Taka Setana Lanchhuahtirna

Bible-ah hi chuan ropuina hi chu nungchang nena inkumkaih thil a ni. Setana hian mihring nihna hi nasa takin kum tam tak a lo do tawh ṭhin a; chu chu Pa leh Fapa inlaichinna mihring nihphunga belna chu a ni. In chhungkhura Pa ber/ Pasal chu mi khirh, hmangaihna tla chham, midang hmakhua ngai lo, a duh lohnaah khauh êm êm, midang ngaihsak lo angte in a lantir a. Chuvangin, chhungkaw nu ber pawh amah hmaangaihtu, ngai ngawih ngawihtu, lainattu leh an chhungkua hmangaih êm êmtu nena inep tlat angin a lantir ṭhin a. Hollywood lemchannaah pawh hian chhungkaw pa ber pawh hi chhungkaw mi rintlak loh emaw natna thlentu anga a \ha lo zawngin a rawn chhawpchhuak ṭhin a ni. Chuvangin, vawiina mi tam tak rilruah hian he khawvel hi vana ka Pa ta tih aiin lei nu ta tiin an sawi fo a ni. A hmasa lama kan sawiho tak ka \hian phakhat khan Pa nihna chu hetiang hian a sawi a, “Vawiina Pate hian mi ngaihsak lohna, ph^wklekna, thinurnate an nei fur hlawm tawh a, khawvelin a mamawh ber ni a ka hriat chu Nu \ha >m >m, pakhat leh pakhat hmangaihna leh ngaihsakna thlen theitu hi a ni” a ti a. A hnena ka hrilh ve chu tuna i sawi hmangaihna khawvelin a mamawh êm êm hi vana ka Pa hian a nei a sin; hei hi Setanan, thupbo a tum nasat ber chu a ni.

Amaherawhchu, Pathian hmangaihna zawng zawng chu Isua-ah khan kan hmu thei a sin; ani chu Pa Pathian ropuina êng ber, Pa Pathian nihna zepui lanchhuahna fiah ber a ni a sin. Isua, Arpuiin a thlahnuaia a fate a awplum tum anga, A fa Israelte awplum tumtu (Matt. 23:37), chuan amah hau a, thattute tan a nun a hlan a sin; a thinlung chhungril leh a thiltihin a ngaidam a sin. Chu ngei chu Pa Pathianin mihringte a hmangaihna ropui mak leh lawmawm lanchhuahtirna chu a va ni chiang tak em!

Mahse, ṭha lo taka ngaihdan rawn irhchhuak chuan Pa Pathian duan dan leh mipa nih dan tura a tumte chu a rawn khalhfai ta vek a ni.

https://pathianhmangaihna-chin.com/book/view/pathian-duan