Ka thian chibai le

Ka thian chibai le. Hmangaih Pathiana chuan inchhungin veng him zel che rawh se.

Kan tunlai boruak hi thawpikna hlirin a khat a. Han leng chhuak i la, titiah ram buai chungchang leh ei leh bar harsatna leh natna chung chang hlir hi a ri chhuak thin a ni. Ka thian zawhna kan zawt ang che aw, Isua Krista hi kan kawlramah lo awm ve se chu eng tin nge he boruak kal chho mekah hian a awmin thil a tih ve ang le? Elija kha tunah hian kan ramah lo cheng ve se, eng rilru nge a put ve ang le? Eng thilte nge a tih ve ang le?

Elija hun lai kha chuan lal inawpbetna sawrkarna hman a ni a. Lalin ni a tih chu tuman nilo tih ngam a ni lo. Lal thu kha mipuiten a chhia emaw a tha emaw an awih vek tur tih a ni tawp mai. Chutih karah chuan Pathian zawlnei lian leh ropui em em Elija chuan Lal (Ahaba) leh a nupui (zezebeli) thil tih diklote chu ‘ a, mi pawhin an hre tho a, thiam loh chan an hlauh vangin an hrilh duh lo a, kei pawhin mi huat ka hlawh lohna turin ka rilruah chuah veiin em emin ka’n sawi chhuak duh lo a nge’ a ti thei a ni. Amaherawhchu, Thudik ngawih bo pui duhlo zawlnei Elija chuan Pathian thu ang chuan Lal meuh pawh a zilh hau a nih kha. Ka thian hei hi ka zawt ve lawk ang che aw, ‘kha tih hun lai khan Elija kha lo ni la, thu dik kha I sawi ang nge, I ngawih bo pui mai mai anga, mi tih tur leh mi sawiturah I dah vawt mai mai zawk dawn?

Isua Krista he khawvela a lo pian lai khan Rom sawrkarin Juda ram a awp lai a ni a. Juda te chuan milem be zawk hnenah chhiah an chawi thin a ni. An tlawm chu a la ve ngawih ngawih ang le. Rom sarkarna laka ta zalenna sual chhuah puitu tur Messia an beisei thup a nih kha. Amah erawh chu Isuan Van lalram neiturin a zirtir deih chu an beidawng zawr hnawk a nih kha. Chumai bakah Isuan Kaisara hnena chhiah pe lo turin a fuih bawk si lo. An nghahfak chu Isuan (Mesia) a rawn hlen chuak lo hle a ni. Chu tih a hnekin zeng te, thiput te, ramhuai man te, dam lo te ect.. a ti dam a. Kha tih hun laia Miten sual bawlh hlawh leh ten awma an ngaih ngawih ngawihte chu Isuan a pan a, an hnenah a thlengin zan riahte a ei a nih kha. Kha tih hun laia natna hlauh awm leh tenawm ber inkai chhawn theih (tun laia covid-natna kan tih ang deuh), pharte meuh pawh Isuan an mahni chu tawkin a kuta dek ngeiin a ti dam a ni ( Mat. 8: 2). Kei ni teh he tih hun laia Christian (Isua zirtirte) lo ni ve ila, heng pharte hi tanpuiin an bul ngeia thlengin kan feh chhuak ngam ve a ngem? Nge inlamah leh biakinah chuah kawtawp atangin kan fimkhur duh luatah ‘ka lo tawngtai sak dawn che nia’ kan ti dawn le?

Isua hian a hniak hnung zui turin min ti a, tihkoh Paula chuan Isua rilru ang pu ve turin min fuih a ni. Pathian chauh kan hmangaihna hi a tawk tawh love, tawngka chauha in hmangaihna hi a tawk tawk love, Pulpit chung atang chuah leh hunsan (stage) chuang atang chuah a in hmangaih hi a tawk tawh lo a ni. Tun hun hi thudik kan dah vawh tawh ti lum thar leh a, sawi leh nun chhuan pui hun leh mahni theih ang tawk theuha chet chhuah hun chu a ni. In vengah tunge ei leh bar tla chham zual, tunge hriselna tla hniam zualte ngaihven hun chu a ni. Tih leh ten lovin I hmangaihna lan tir hun chu tun hi a ni. Isuan hmangaihna (fimkhurna aia hlu leh chakzawk ) avangin a nun ral thakin mitam tak dam nan min pe a, nang te’n engnge i pek let ve dawn le?

Fimkhurna in a dan theih tawk lek leh tawngka chauha in hmangaih lovin Rilru leh chetchhuak zawnga kan theih ang tawk theuh va hmangaihna nei thei turin Lalpan mal min sawm theuh rawh se.