pathianhmangaihna-chin.com

(TEDIM CHIN) Pasian in a sia (gitlohna) abawl hiam? Isaiah 45:7.

Posted Sep 22, 2021 nen Kevin J. Mullins A chhungah TEDIM CHIN
Thuziak let-tu Nau Tuang
739 Tawk

English here: https://lastmessageofmercy.com/article/view/isaiah-457-did-god-create-evil

"Keimah in khuavak le
khuamial piangsakin,
apha nate le
asia nate ka piangsak a, hih nate khempeuh a bawlpa,
keimah Topa ka hihi,” aci hi." (Isaiah 45:7)
.

Laisiangtho in, "Pasian pen khuavak hi a Ama sungah khuamial omlo hi" cihi. (1 John 1:5). Pasian sungah khuamial omlo ci-a banghang in Ama kiang pan khuamial piangthei ding hiam? Ama ompihna ahep khiat ciang bekin khuamial hong om thei bek nahihi. Khuamial pen khuavak aom lohna  hi a, tua ahih manin khuavak aomloh ciangin khuamial hong piang ahihi. Alum leh avot zong tua tawh kibang hi. Avot pen alum aom lohna hilel hi. Khuamial leh avot pen kipiang saklo a, ahih hangin khuavak leh alum alak khiat ciangin khuamial leh avot hong om nahi pah hi. 

Zesuh in Pasian bek hoih hi cihi:

"17 Jesuh in a khualzinna azom dingin a paikhiat ding laitakin mi khat hong tai-in amai-ah hong khukdin a, “Adik sia hoih aw, nuntak tawntungna ka ngah nadingin bang hih ding ka hi hiam?” a ci hi. 18 Jesuh in, “Bang hangin kei hoih hong ci na hi hiam? Pasian simloh kuamah a diktatzo om lo hi." (Mark 10:17-18).

Pasian, amah bek ahoih Pa in bang hangin a hoihlo asiabawl ding ahi hiam? Ama hoihna (kilemna) ahep khiat ciang hong himawk hi. Ama kilemna alakkhiat ciangin asia hongpiang , ahih kei leh adang kamkilet nate in genleng "tuah siatna" ahih kei leh "alipkhap huai thu" piang hi. Hebia kam in (rah) hi a tua a kilet ciangin siatna hi in King James Laisiangtho in siatna, alauhuai, bawlsiatna, tuahsiat, gitlohna, lungkimlohna.. cih bangin nazang hi. Hihte khempeuh pen direct in Pasian piansak (abawl) hi ngeilo hi. Ahih hangin Ama Khasiangtho hehsak a, aki nawlkhin ciang tua bangin pianghi. Mikhat peuh in koibang in Pasian' ompihna nawlkhin thei hiam? Aman’ taktak in Pasian in mikhat deihtel theihna pen hong buaisak ngeilo hi. Itna tungtawn in Ama thu eite in i zuih(man) dingbek deih hi. Eite in Ama cih bangbang in asemding in  robot set danin hong bawllo hi. Ama kumpi gam pen abulpi in itna leh suahtak na hi a, thatangthu leh sawlzawh thu tawh hilo hi. 

"A hoih thu le na khempeuh, Pasian kiang panin hong pai hi a, vantung khuavak a Piangsakpa ahih manin amah kikheel ngeilo a, amah akihei manin khua zong mial tuanlo hi." (James 1:17)

James in hih tengah agenna ah ahoih bek Pasian in hong pia a, Pasian kikhel ngeilo hi. Amah in asia leh ahoih lo, khuamial apiang sakthei bangmah hong pia ngeilo hi. Ahih hang in Jerimiah 18:7-10 ah Pasian in asia apiang sakna panin kisik ningci hilo ahi hiam? Adawnna dingin hih i thulu na en in, banghang in Pasian in asia kabawl kisik ing ci hiam? 

Kua in siatna leh sihna bulpi hiam? 

Laisiangtho pen Pasian in i nuntakna hi cihi:

"Tuni-in note’ langkhat ah teci apang dingin vantung le leitung ka sam a, note’ mai-ah na teel dingun nuntakna le sihna, thupha le samsiatna ka koih hi. Tua ahih ciangin note le na suanlekhakte uh na hintheih nadingun nuntakna teel unla, 20 Topa na Pasian uh itin, ama thu mangin, amah beel un; bang hang hiam cih leh Topa in na pu na pate uh Abraham, Isaac, le Jakob tungah piak dingin akiciamsa leitang ah note na tentheih nadingun tua pen note-a’ dingin nuntakna le khansauna ahihi,” aci hi." (Thuhilh 30:19,20).

Nuntakna khempeuh pen Pasian kiangpan hi. Paul in Pasian lo buang kuamah khatzong ahoih leh adik omlo hi ci'n na gelhhi. 

Hihbangin na at hi "Lai Siangtho sungah zong,
“Pasian’ muhna-ah
mi hoih kuamah om lo a, Amah athei kuamah om lo a,
Pasian tawh kipawl ding ahanciam kuamah omlo hi.
Kuamah in
Pasian ngaihsutna nei lo uh a,
na-in kimang kuamah omlo a,
ahoih gamtat kuamah omlo hi (Romans 3:10-12).

Pasian bek in midik ahih manin, ama sungah sihna omlo hi. 

"Dikna lampi sungah nuntakna om a, tua nuntak zia sungah sihna omlo hi" (Paunak 12:18 ISV)

Pasian in sihna bawllo a, amah pen sihna bulpi hilo hi. Pasian' omloh na  ah sihna ompah hi. Pasian sungah sihna omlo hi, tua ahih manin amah in sihna neilo hi, na nasep napa in sum aneih kei leh hong piak ding aneih loh mahtawh akibang ahihi. 

Laisiangtho in sihna pen Dawimangpa vangliat nahi cihi. 

"Tate acih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi." (Hebru 2:14)

Satan pen susia pa hi a, Pasian ahih leh hong puahkik Pa ahihi. Pasian in hoih in Dawimangpa in sia hi. Pasian in misia abawl hiam? Bawllo hi, Satan pen  hunkhat lai in vantungmi seraphim khaguk nei a akithei khat ahihi. Ezekiel 28 in Tyer kumpi pa atam lawhna a hihi. Ahizong in tua pen Satan apukna akitam lawhna eite hong kilah na nahi gige hi:

"...“Nidang lai-in mi kicing mi
etteh pha khat nahi a,
pilna le hoihna tawh a kidim na hihi.
Pasian’ Eden huan sungah nang na teng a,
suangmanpha nam khempeuh tawh
na kizem hi.
Karnelian, topaz, le jasper,
khrisolait, beryl, le onik,
sapfaia, karbankel,
le emerald suang manphate,
nangma kizepna hi a,
kham tawh kibawl kizepna
tampi tak zong na nei lai hi.
Hihte khempeuh nangma adingin
na suah ni-in a hong kibawlsak ahihi.
Sathau akinilh kherub-te
nang ka hong cingsak a,
ka mual siangtho tungah
nang na teng a,
a tee zaizai suang manphate lakah
na vak kawikawi hi.
Gamtatsiat ding
na kipat ma hun ciang dong,
na suah tung a kipanin
na gamtatna khempeuh
paubaanna khat beek omlo hi."

(Ezekiel 28:12-15)

Isaiah in amang muhna ah vantung biakbuk sung Siangtho pen munah Vatungmi Seraphim te muhi. 

"Kumpi Uzziah asih kumin, a sang mahmah, alian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi. Ama kiimah serafim van mite a ding uh hi. Tua te in kha guk ciat nei uh hi; nih tawh a mai liahin, nih tawh a khe tuamin, nih tawh a leeng uh hi. Amaute khatlekhat kisamin:

“Vanglian Topa,
siangtho, siangtho, siangtho;
leitung khempeuh
ama minthanna tawh kidim,”
ci-in awng uh hi." ( Isaiah 6:1-3)

Hebia kam in "seraphim

"Saraph" hi in a khiatna in " "a kuang gul" cihna hi. "Pasian in hih bang in genhi nangpen Pasian' Eden huan ah na omhi cihi." "Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitung ah kilawnsuk hi." (Mang12:9). "Hih vantungmi in a kipiansak akipan asungah gitlohna mawhna akipat dong kicing hoihna tawh kidim hi". Ciapteh ding ah Pasian in hih Satan sungah mawhna bawl lo hi. Pasian in asia Vantungmi bawllo hi. Mawhna (thukham zuih lohna) ama sungah kimu hi. Bangci bang in kimu thei hiam? Amah in Pasian nawlkhin ding tel in amah leh amah kiliansak in Pasian tawh ki zakim nuam hi, Pasian' Tapa khatbek Zesuh' i dinmun deih in ngah nuam hi. Amah in Christ anial khempeuh te pupi hi a, amah in Zesuh Pasian Tapa pen nial hi (1John 2:22). Amah in Zesuh pen Pakiang tun nang lampi khat bek ahihna leh Zesuh in  ama hoihna leh dikna bek hi cih nial hi. “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung theilo ding hi." (John 14:6). Isaiah 14 a Isaiah in Babylon kumpi pa tawh kisai alai gelhna na ciamteh in,  ahih hang in tua pen genkholh na kammal in Satan pukna a na genna hihi:

“Nang Khuavak’ ta, Zingsol,
Babylon kumpipa aw,
vantung panin
nang bangci kiat na hi hiam?

Minamte aniam koihpa ahi nangmah
leilak dongah hong bangci
kiphukpai ahi hiam?

Nang in na lungsim sungah,
‘Vantungah ka kahto ding hi.
A sangna mun, Pasian’ aksite’ tung pekah
ka kumpi tokhom ka koih ding a,
leilu lam peka
kikhopna mualtungah ka tu ding hi.

Meiite’ tung pekah ka kahto ding a,
Sang Pen pa bangin
ka kibawl ding hi,’ na ci hi." (Isaiah 14:12-14)

Zesuh bek in Pa tawh kibang hi. (Hebru 1:1-5). Tyre kumpi pa leh Babylon kumpi pa in Satan acih nopna ahih mah bang in, Paunak in "Pilna" acih kammal agen pen Zesuh Christ a nagen ahihi (1Korin 1:24) A mah bek PA kiangpan a hong pai ahihi (Paunak 8:23-30, John 8:24). Lucifer (gulpi san ci a aki thei) in Pasian nial ding atel manin mawhna leh sihna bulpi pa hong suak hi. Amah in piancil pek panin mithat pa hi a , amah in khuamial leh ngongtat natawh kidim hi banghang hiam cihleh ama sungah thutak (khua vak) om lo hi (John 8:44). Tua hang mah in Paul in hih bang in nagen hi:

"Eite’ do pen leitung mite hi lo a, vantung huihlakah a om ukna, aana a neite, hih leitung khuamial a uk a tuamtuamte ahi hi." (Ephesa 6:12).

Paul aki khel khit asawt lo in Zesuh ama tungah hong kilak a, Amah in hi ci genhi:

"Na hong bawlsiat Jesuh ka hi hi. 16 Tu-in tho-in na khe-in ding in. Keima na asem dingin a hong sawl dingin nang tungah a hong kilang ka hihi. Tuni-a kei nong muhna thuteng le nang tungah ka hong lah lai ding thu khempeuh, midangte tungah agen ding na hi hi. 17 Israel mite le Gentail mite lakah nang kong sawl ding a, amaute in nang hong suksiat loh nadingun ka hong kem ding hi. 18 Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satan’ khutsung panin Pasian’ khut sungah aheikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi."  (Sawltak 26:15-18).

Hih aki lekkimna en in

  • ​Khuamial = Satan' vangliatna
  • ​Khuavak = Pasian ​

Khuavak om lohna ah khuamial ompah a, tuamah bang in Pasian' omloh na ah Satan vangliat na om pah hi. Tua ahih manin Satan' vangliatna in  sihna hi a, Satan in nuntak na amah leh amah in nei lo hi. Pasian in amah (Satan) ahi a mikhat peuh ahi zong in gitloh na abawl laitak nangawn in kem lai hi. "Ama hang in i nungta a Ama hang in nuntak na nei khempeuh gamtang hi" (Sawltak 17:28). Tuabang in Satan in a sia bawl ding in Pasian kiangpan pai khia hi. Pasian in hong itna mah tawh mawhna a bawl ding phal in, tua alau huai mawhna i siat huai na i muh ciang in Ama hehpih na ei te in i zon ding deih hi. 

"Khialhna a tam semsem nadingin thukham hong kipia hi. Ahi zongin khialhna a tamna munah Pasian’ hehpihna hong lianzaw zel hi. Tua ahih manin mawhna thahatin hong sihsak mah bangin, i Topa Jesuh Khrih hangin Pasian’ hehpihna thahat zaw lai a, mihoihin hong sangin nuntak tawntungna sung a hong tunpih hi."  (Roman  5:20-21).

Mihing ngeina in khuamial sungah a om lam kithei lo a, kisik a mawh ki maisak ding a ut leh mihing pen Pasian hoih na hilhloh phamawh a, tuabang in hih theih na ding in Pasian in athukham zang in mawhna leh a gau hong lak hi. Nuntak tawntung na i ngah nading leh a thukham i lungtang tung ah a ki at theih nading in a Tapa nuntak na hong pia hi. Paul in hih bang in na at kik a:

"Tua ahihleh Thukham mahmah pen a siahuai ahi hiam? A sia hi lo hi. Mawhna bang hiam cih Thukham in hong theitel sak hi. Thukham in, “Hazatna lungsim nei kei in,” ci-in gen lo hileh, haza i cih bang ahi hiam, ci-in ka thei kei ding hi. 8 Thukham a omna hangin mawhna in nuamtak sa-in hazatna a tuamtuam ka neih theih nading hong piangsak hi. Thukham om kei leh mawhna in bangmah sem thei lo hi.12 Tua ahih ciangin Thukham mahmah hitaleh thupiaknate hitaleh hoihin man a, siangtho hi." (Roman 7:7,8,12).

Satan in Pasian i hoihna Khuavak avek pi in nial hi, tua ahih man in Satan in Pasian i hehpih na zong ngeilo ding hi. Amah in mawhna tel in, tua ahih manin hih Gulpi san sung ah siatna hong om a, alauhuai sihna asungah aom hipah hi:

"Tu-in nang a maimang paisuak na hita a,
nangma tuah bang a tuahkhak ding uh
nang hong theisa minam khempeuhte
lau-in a ling uh hi,” a hong ci hi." (Ezekiel 28:18).

Banghang in Pasian in Satan pen hici bang in piangsak mawk hiam? baih mahmah a, phal hi lel hi. Satan in Pasian itna leh hehpih na anial det manin, Pasian in khasiat takin Satan' deih amah a su siading asia aom ding phal hi.

David in na hi ci gelh hi, "(Satan) Siatna (Pasian hi lo) in mawhnei te that ding hi" (Late 34"21). Paul in, "Mawhna thaman in sihna hi" naci hi (Rom6:23).  James in,  "Mawhna (Pasian hilo) in sihna hong tun hi" na cihi (James 1:14,15). Bang hang hiam? Banghang hiam cihleh  Pasian' khuavak, kilemna leh nuntak na omloh na in khuamial, siatna (evil), leh sihna a hihi. 

Nang koi tel ding na hihiam?