(TEDIM) Hih in Pasian heh na ahi hiam?

English tract here: https://lastmessageofmercy.com/book/view/is-this-gods-anger

Laisiangtho lui i sim ciang in Pasian hehna cih dotna in mi tampi hong buai sak mahmah a Pasian' hehna leh gitlohna cihpen Laisiangtho lui leh Laisiangtho thak mun tampi ah agenna na om mawk hi, ahih hang Ama hehna in bang hiding hiam? Hih dotna i dawn theih nadingin hong telsak ding gentehna pawl khat Laisiangtho sungah en ni. Pasian hehna pen Pasian in Israel mite Egypt mite sal hihna panin suah takna apiak nang’ in Moses in amakaih nading asawlna ah ki gen masa pen hi. Pasian' hehna akilat khiat theih nadingin tualai tak a thupiang te in bang hiam?

"Ahih hangin Moses in Topa kiangah, “Oh, ka Topa aw, tumasiah hitaleh na nasempa tungah thu na gen a kipan hitaleh, kei thugen a siam ka hi kei hi. Ka kam pau ol-in, ka pau awk hi,” a ci hi. Tua ciangin Topa in ama kiangah, “Kua in mipa’ kam bawl ahi hiam? Kua in amah pau thei losak, bilngongsak, musak, mittawsak ahi hiam? Topa ahi keimah hilo ka hi hiam? Tua ahih ciangin tu-in pai in. Keimah in na thugenna-ah kong huh ding a, na thugen ding nang kong hilh ding hi,” a ci hi. Ahih hangin amah in, “Oh, ka Topa aw, hong thum ing; midang khat sawl zaw in,” a ci hi." (Pai 4:10-13).

Moses amah bek pharaoh mai ah pai ngamlo ahihmanin ama tang in kampau ding mi ngen hi. Pasian in koi ci dawn kik hiam? 

"Tua ciangin Moses tungah Topa heh a, amah in, “Levi mi na sanggampa Aaron om hi lo ahi hiam? Amah in hoih takin thu agen theihna ka cian theih hi. En in, nang mah a dawn dingin amah hong paikhia a, amah in nang hong muh ciangin alungsim sungah amah kipak ding hi." (Pai 4:14).

Pasian in ahehna koi bang in kilang sak hiam? Moses' deihna piakna tawh kilang sak hi. Laisiangtho sung a Pasian' hehna a om na mun dang pawl khat en lai ni:

"Tu-in amaute’ lakah a om gamdang mite in anlim a lunggulh mahmah uh hi. Israel mite zong kap kik uh a, “Sa nek ding nei hi leng maw! 10 Mite a innkuankuan un a milip in apuanbuk kongah a kahna uh Moses in a za hi. Topa nak heh lua mahmah ahihmanin Moses lungkim lo hi. Topa’ kiang panin huih nung in, tuipi panin vamimte hong puak a, giahphual kiang hih lampang ni khat paina ciang, hua lampang ni khat paina ciang mah giahphual kimkot ah kiasak a, lei maitang tungah pi thum bang asah hi. Tua sun tawntung le a zan tawntung le a zing ciang tawntung vamimte a khawm uh hi. Tawm a khawm pen mipa in beem sawm dim khawm a, amaute in amau adingin giahphual kimkot ah tuate a pho uh hi." (Gamlak 11:4,10,31-32).

Hih thupiang ah, Pasian hehna eite in mukik leuleu hihang. Amah in bang sem hiam? Amah in mite' lunggulh mah  pia hi. (Late 78:26-29 tawh enkak in). 

"Samuel a teek ciangin amah in Israel-te’ tungah thukhen in a tapate akoih hi. A ta upa’ min Joel hi a, a nihna’ min Abijah ahi hi. Amaute pen Beersheba-ah thukhente ahi uh hi. Ahih hangin a tapate amah bangin gamta lo uh a, sum ngah ding lam bek kin uh ahih manin sumgolh la-in thuman heikhia uh hi. Tua ciangin Israel upate kikhawm in Ramah-a Samuel kiangah pai-in ama kiangah, “En in, nang na teek ta a, na tapate in nangma khe khap hong zui lo uh hi. Tua ahihmanin minam dangte khempeuh mah bangin kote hong uk dingin kote adingin kumpi khat seh in,” a ci uh hi. Ahih hangin amaute in, “Kote hong uk dingin kumpi khat hong pia in,” a cih uh ciangin hih thu in Samuel lungkim losak hi. Samuel in Topa’ kiangah thu ngen hi. Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi."(I Samuel 8:1-7).

Pasian in a kamsang pa Samuel tungtawn in amite tungah thu zasak in, amaute lawp bang in kumpi anget na uhpen hoih penlo ding hi cih ahang tampi gen hi. Amau te in athu angai uh hiam? 

"Ahih hangin mite in Samuel’ thu ngai nuam lo uh hi. Amaute in, “Hilo! Kote’ tungah kumpi khat ka nei ding uh hi.  Kote zong minam dangte khempeuh mah bangin, ka kumpipa uh'n kote hong uk in kote’ mai-ah pai-in ka galte uh hong dosak ding hi,” a ci uh hi. " (I Samuel 8:19-20).

Pasian in mite' nget na bangci dawn hiam? 

"Tua ciangin Topa in Samuel kiangah, “Amaute’ thu ngai inla, amaute-a’ dingin kumpi khat koih in,” a ci hi. Tua ciangin Samuel in Israel mite kiangah, “Mi khempeuh na khuapi ciat uh ah ciah un,” a ci hi."(22). Pasian in hehna tawh amau te kumpi pia cih koi bang in eite in thei thei ding ihi hiam? Kamsang Hosea tangthu a athupiang te enle hang Pasian in koi bang in mihing te deihna pia a, koi bang in nasem khia hiam cih hong hilh hi.

"No Israel-te kong sugawp ding hi. Kua in note hong huhzo ding ahi hiam? 10 Na kumpi ding uh le na makai dingte uh nong ngen uh hi. Tu-in note hong hon dingin na hong nget uh na kumpipa uh koi-ah om a, note hong hu ding na makaite uh koi lai tung khin ahi hiam?" (Hosea 13:9-10).

Hih Laisiangtho mun thum teng in siang tak in Pasian hehna in ahilo lam hihet lo in Israel mite deihna asepsak ding amau ading in ahoih pen hilo ding cih thei hi. Hih in Pasian hehna teltheih nang in kicing lel a, abaih pen in Pasian' hehna pen Laisiangtho pan mah  in itel theih nang in hong lak hi. Laisiangtho dictionary a i muh hilh cian nate tawh ki lamdang hi. Ahi zong in, hih sang in akilamdang zaw mahmah lai om hi. Jesuh a heh ciang in bang ci hiam? 

"Tua ciangin kikhopna inn sungah Jesuh paikik a, tua lai-ah a khut a langkhat a zaw mi khat na om hi. 2 Jesuh gamta khial hi, ci-in a mawhsak nuam mi pawl khat tua lai-ah om uh a, Sabbath ni-in hih mipa a damsak kha hiam, ci-in vil gige uh hi. Jesuh in khutzaw mipa kiangah, “Hih a mai lamah hong ding in,” a ci hi.  Tua ciangin mite kiangah, “Sabbath ni-in bang i hih ding i Thukham in hong deih ahi hiam? Huh ding maw, gimsak ding; mi khat a nuntakna hot ding maw, thah ding; koi hong deihzaw ahi hiam?” ci-in a dong hi. Ahih hangin kuamah in dawng lo hi. Jesuh in hehmai tawh a kiim a pam en kawikawi a, ahi zongin a khialhna uh le a thu phawk theih lohna uh hangin mite khasiathuai asa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi. Tua ahih ciangin kikhopna inn panin Farisi mite paikhia-in Herod pawlte kimkhat tawh kikhopna neipah uh a, Jesuh a thah theih nading uh avaihawm uh hi."(Mark 3:1-6).

Hih pen Jesuh in Farisi mite tawh akiho na uh a hi hi. Amau te thukham bawl tawm in Sabbath ni a, cina damsak ding kham hi. Jesuh in amau te lungsim en in "hehmai tawh a kiim a pam en kawikawi hi". Bang dan hehna Jesuh in nei hiam? Hih hehna in "amau te lungkhauh luatna hanga hehna a hi hi". Hih hehpihna aneilo biakna makai mite in hih khutzaw pa tung ah hehpihna leh itna aneih loh man un Jesuh in dahna ahih keileh heh luatna ana thuak ahihi. Adang Pasian' hehna ahih keileh gitlohna Laisiangtho sungpan i mu thei lai diam? 

"Mihingte in amawhna le a gitlohna hang un Pasian’ thuman seelcip uh ahih manin van panin ahehna hong kilang sakin a gimpiakna dingzia hong kilangsak hi." (Rome 1:18).

Pasian' hehna koi cibang in kilang khia hiam? 

Mihingte tua zahta-in hailua uh ahihmanin amau utut in agamtat theih nadingun Pasian in khah khong vet a, a zumhuai mahmahpi-in agamta uh hi.(Rome 1:24).

"Tua ahihmanin amau utna bangin a zumhuaipi-in agamtat theih nadingun Pasian in a khah khong hi."(Rome1:26).

"Mite in thu man ahi Pasian’ thu ngaihsut in nei nuam lo uh ahihmanin amaute’ ngaihsut hoih lo bangin a gamtat theih nadingun Pasian in a khahkhia hi. Tua ahih manin agamtat dingun akilawm lopipi-in a gamta uh hi."(1:28).

Pasian' hehna pen hih teng ah Pasian in "a utbang un gamta sak khah khong" in hong lak hi-a kammal dang in genleng, Pasian in amau te Ama kiang panin apai khiat theihna ding suah takna pia cihna hi. Heh phulakna leh suksiatna eite in Pasian sep hi icih zelzel na thu man hetlo hi. Laisiangtho lui pan pawl khat enlai ni.

"Topa in kong cihin-ah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in athuak uh hizaw hilo ahi hiam? 20 Tua ahih manin Topa in kong cihin-ah: En in, ka hehna le ka thangpaihna hih mun ah ka bua ding a, mihingte’ tung le ganhingte’ tung, lolai-a singkungte le leilak a singgahte tungah ka sung ding hi. Ka hehna mei bangin kuang ding a, kisumit lo ding hi."(Jeremiah 7:15, 19-20).

"Topa in kong cihin-ah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in athuak uh hizaw hi lo ahi hiam? Mite tungah gimna atun pen amau te in milim a biakna uh hang-a a mawhna thaman uh hi a Pasian kiangpan in dan piakna hi peuhmah lo hi. 

" Khatvei, Israel-te tungah Topa hong heh kik a, amah in mite’ gim nadingin David hanthawn in, “Pai in; Israel le Judah mi a phazah sim in,” a ci hi." (2 Samuel 24:1).

David in mi a sim lai in amah in kiphatsakna leh Pasian muanlohna, mihing tamna leh galkap tha etna tawh lak in Israel te hu thei kha ding a ci ahihi. Pasian in "mite gimna ding in David hanthawn hi." Hih dan lian in hih Laisiangtho mun i sim ciang in abuai huai a omthei diam? Pasian in amite langkhat ah paulap omlo a amau langkhat ah na asep theih nading in David' bil ah tua ci in ci in ahosim a gensim hiam? 

Pasian in siatna ah nasem in buailo a, gitlohna zong pankhia hetlo hi, ahizong in asem khia khat na om hi. Hih thu piang ah Pasian in David kiang mi asim dingin sawl in, mi simna pan khaktan lo ahih teh, Pasian sawl ahi mah ding hiam? Pasian in David' bil ah va ho in sawl lo hicih gen leng hong saulua ding hi, ahizong in Satan sawl ahihi. Koibang in en a thei tel ding i hi hiam? Hih akibang thupiang akigelhna khangtangthu masa simleng kitel hi. 

"Satan in Israel mite gimsak nuam ahih manin Israel mi phazah asim dingin David hanthawn hi."(Khangtangthu masa 21:1).

Bang hang in Laisiangtho i sim ciangin buai na haksat nate ahang aman in hih hi cih Laisiangtho khawk pawlkhat i tuah ciang in kitel pahpah lo hiam ci in lamdang sa kha ding hihang. Tua hileh Laisiangtho telnop simnop zaw loding maw? Hi mah hi. Bangbang ahita zong in Pasian leh mihing te kikal kizawpna buai na pen baih ngeilo hi. Bang hang hiam cih leh Pasian thu theihna omlo ahihman hi a, Eite hang ahihi. Pasian in, ama pilna tawh, athu maan sang ding maw sanglo ding cih khensatna eite hongpia hi. Laisiangtho pen hih ngaih sutna guipi tawh aki at ahihi. Pasian i hot khiat na thuman santheih nading hun hoih nei in i sanloh ciang in, tua in eite ama kiang pan agamla zawsem ah hong hawlkhia hi. Tua hangin Laisiangtho upmawh khiat nate anial thei ihihi. Pasian um in ama itna taktak up nading ei deih teel na tawh kilang neih in hong zol ding pen ama ngeina hilo hi. Tua bangmah in, amigi Pasian azong nuam amu nuam te adingin Laisiangtho ni simin sim in thu nget det ding ahihi.