pathianhmangaihna-chin.com

Lehkhabute te

Mari Magdalini

Mari Magdalini hi a hun diktaka fing tak thil titu emaw at thlak taka thil ti emaw kan ti thei ang. Ruai thehna a, reilo te a tan rimtui tura duli 300 man ngawt a leih bua a. Rilrua lo lang nghal chu a thil tih pawm lo tute ngaih tuah dan chiang sa em em chu a ni. Jerusalem leh a daifem vengah te chuan ei tur leh silfen nei lo tam tak an awm a, chu Mari hriak rimtui leibuak man chuan an mamawh chu an leisak thei em em a ni.

Mahse, Isuan a mahan demna zahna ruam ban hnuk ata chu Mari a chhan chhuak a. Hmeichhia hming thang pakhatah a siam ta zawk a ni. Chu ti khawpa sang chuan Isuan midang a la fak ngai lo. Chu aia sang zawk chu van hnuaiah eng thil nge i ngen theih chuang ang le. He lehkhabu tlawm takah hian Isuan mi pakhat changtlung taka a fakna chu tarlan a ni a- Mari, “a chanchin khawvel pum a hril a ni ang” tiin.

Tak tak chuan Mari chungchang Bible in a sawi hi kan hriat a kan hlut lo a nih chuan a chhunga in phum chanchin tha riltak leh duhawm tak kan chung zing nichhuak iang a lo lang chu kan hrethiam tak tak dawn lo a ni.

Pathian Duan- Chhungkaw Hlimna Thuruk

Krista chu hmuh theiha Pathian anpui a ni a, tin, Krista hmang chuan thil engkim hi siam a ni. (Kolo. 1: 15-16)

Isuan, “Kei hi kawng leh thutak leh nunna chu ka ni, kei mah lova tuamah Pa hnênah an kal ngai lo.” (Joh. 14: 6)

Eng vangin nge Pa Pathian chuan A Fapa Krista hmang chuan thil engkim a siam le? Engvangin nge Pa Pathian chuan Fapa a neih le? Eng vangin nge Pa Pathian hnên kan thlen theihna chu Isua hn>na kan kal a ngaih khêr le?

Pa Pathian leh A Fapa neih chhunte an inlaichinna mawi tak kan hrethiam thei a nih chuan khawvlete nena an inlaichinnate pawh kan hrethiam thei dawn a ni. Thilsiamna leh a chhunga inphumru thumawi tak takte hriatthiamna chahbi chu kan nei thei dawn a ni. Thil engkim hi Pa leh Fapate inlaichina sawifaihtu atana siam a ni a, he inlaichinna hi a thilsiam zawng zawngte hmangaih taka inlaichinna nei tura Pathian duan chu a ni.

Pathian Finna

Amah chuan Fapa a nei a chu chu a nunna a ni bawk a ni. Hetiang hi eng tin nge anih thei le? A chhan chun Pathian Fapa thinlung chhungril thianghlim em emah chuan Pa thuawihna a bet tlat a ni. Pa malsawmna chu a nei a, tin, Pa hmangaihna thuk tak pawh a nei bawk a ni. Fapa thinlung chu Pa Pathian hmangaihnaah chuan a a innghat puhlum a ni.

Pathian Rorel Dan Phung

Kristian tam zawkte chuan Pathian thinurna leh a ro relna chungchangah a mite hnena a rawn kala phuba a lakna leh a hremnaah te hian ngaihdan nghet tak an nei ve a. A dan kaihhruaina anga nung duh lote chungah dawhthei tawh lovin, a vantirhkohte hmangin a hrem ṭhin a; khawvel chhiatnatein mihringte chu a tihlum ṭhin a; chu chu Pathianin a dan bawhchhetute hnena a a thil tum reng niin an ngai bawk ṭhin a ni. Nimahsela, miten engtin nge he thu tawp dik tak hi an hriatfiah theih ang le?

Krista kross thu aṭang leh Jerusalem chhiatna aṭang khan, Pathian rorelna leh hun tawpa mi sualte thih dan tur te chu kan hre thei a ni.

 Pathianin hlauhawm lo thleng tur a hrilh lawk a, a zilh a, a hau a, tichuan himna kawng a kawhhmuh bawk a ni.        

Mite chuan an duh dan kawng chu an zawh a, Pathian Thlarau Thianghlim hnen ata an awm hrang ta a ni.

Hlauhawm lo thleng tur chu hrilh nawn mawlh mawlh an nih lai pawhin anmahni duh dan kawng chu thlang zawkin an zawh zawk ṭhin.

Pathian venhimna pelah chuan an awm a ni.

Pathian chuan a malsawmna leh a venhimna chu a la kir a ni.

Pathian Thlarau Thianghlim pawh a insaseng a ni.

Pathian chuan an chunga Setana dodalna laka venghim turin a vantirhkohte a tir tawh lo a ni.

Setana thiltihte chu tuipuiah leh leichungah te chuan thlengin, manganna, harsatna leh ṭahna te chu a bel chhung sa mi tam tak chungah a thleng ṭhin a ni.

Pathianin Mihring a Ngaihdam Dan Diktak

Ngaihdamna thlendan dik tak

·         Ngaihdamna chu a ngaidamtu-ngaihdamna siam tul titu hmanga pek a ni.

·         Ngaihdamna chu ngaidama awm chuan a dawng a ni. Ngaihdamna chu then hnih a ni a. Tin, pawl hnih ( two-party) hnathawhna dunna a ni.

·         Greek ho chuan ngaihdamna pek tawhna leh dawn tawhna a tan thumal hran an nei ve ve.

·         Ngaihdamna pek tawhna chu Greek chuan Charizomai a ni a.

·         Ngaihdamna dawn tawhna chu Greek chuan Aphiemi a ni.

·         Pathian chu amah ngei, a kut thawhin sual chu a hrem ngai lo.

·         Sual zawng zawng hian rahchhuah a nei thin a, chu chu a nih phung a ni.

·         Sual hi a sual em em a, a chhan chu kei mahni leh midangte a tina thin a ni.

·         Pathian nena kan inlaichinna hi nu leh pa leh fate in kara inlaichinna nen hian a in ang hle a ni.

·         Pathian chuan a dante chu kan tan malsawmna leh min vengtu a tan a duang a ni.

·         Pathian dan reng reng hi mumal neilo a awm lo. “A chhan chu kei hi Pathian ka ni a, chu chu ka sawi tawh a ni.”

·         Eng tik lai pawha zahngai thei tak Pathian chuan sual kan tih zawng zawngte min ngaidam vek reng a ni.

·         Pathian chuan sual nghawng min tichhe theite lak ata min veng chauh hi a duh a ni.

Chunglama thil nihphung chu he zirlai lehkhabu teah hian fiah taka ziah a ni a. Ngaihdamna in hna a thawh dan leh Pathianin min ngaidam reng tih hriat thiamnate chuan kan sual leh zahna rit tak kan phur chu hlang thla turin min pui ngei ang. A thlawna Pathian ngaihdamna chu lo pawm tawp la, tichuan tun hma a i lan dawn ngailoh thlamuanna mak tak leh rilru zangkhai fim tak chu i dawng dawn nia.

Lalpan malsawm che rawh se! Amen